Skemmtilegur fundur í Tékklandi

Ég er stödd í Tékklandi, nánar tiltekið í litlum bæ utan við Prag sem heitir Liblice. Tilefnið er ársfundur EUSCEA, Evrópusamtaka þeirra sem stýra mennta- og vísindaviðburðum, (www.euscea.org) Fundurinn fer fram í gamalli fallegri höll, sem sjá má á meðfylgjandi mynd, en hún hefur verið gerð upp og er núna notuð sem ráðstefnuhótel. Maturinn hér er stórkostlegur, ég veit nú ekki hvort hann er neitt sérstaklega tékkneskur, en hann er góður. Það helsta sem er tékkneskt eru kartöflur í öllum útgáfum auk alls kyns pylsa. Við fengum okkur rauðvín héðan úr héraðinu sem kom mjög á óvart, ferskt og gott. Við erum hér 40 manns frá 23 löndum, mjög skemmtilegt og hresst fólk, eins og við er að búast af viðburðastjórnendum.

Athugasemdir

[Hannibal Garcia Lorca, 25.4.2008 kl. 15:26]

Ef maturinn er stórkostlegur er hann örugglega ekki tékkneskur - en það er bjórinn sjálfsagt. Bestu kveðjur frá hinum helmingi gömlu Tékkó ...

[Fararstjórinn, 25.4.2008 kl. 16:04]

Maturinn er nefnilega ekki tékkneskur, en um leið og ég kemst í góðan Jamón serrano er ég hamingjusöm! Þannig að þetta er meira svona Miðjarðarhafsáhrif...

[Sirrý (IP-tala skráð) 2.5.2008 kl. 15:51]

 Sael, vafradi um netid og las thetta blogg. Er ad borda Tekkneskan mat alla daga, vegna vinnu minnar hér á Islandi. Og hann er mis gódur, mikid bordad af sod braudi med kjoti og sósurnar eru svona thunnar sod sósur. Verd ad vidurkenna thad ad maturinn okkar Íslendinga er mikid betri, fyrir mig.  Bestu kvedjur, ahoj. Sirrý Hallgrímsdóttir.