Að taka viljann fyrir verkið

Ég ætlaði að vera rosa sniðug og byrjaði í leikfimi í ágúst (stuttu, lokuðu námskeiði) og var hugmyndin að vera komin af stað ÁÐUR en allir kjánarnir láta undan auglýsingum og hópþrýstingi og flykkjast í ræktina í september. Mjög góð hugmynd. Svo koma svona vikur eins og þessi hér, í dag fór ég í erfisdrykkju uppúr hádeginu og svo í unglingaafmæli í kvöld, þannig að mataræðið var eins og við er að búast og leikfimistímanum sleppt. Næsti leikfimistími er á miðvikudaginn, þá verð ég með erlendan fyrirlesara hjá mér og fer með honum út að borða. Síðasti tími vikunnar er svo á fimmtudaginn og þá er ég að fara í kvennaklúbbskvöld með tilheyrandi veitingum og sleppi þ.a.l. leikfiminni. En hugmyndin er góð, þessi þarna sem sneri að því að fara í leikfimi og borða hollan mat... 

« Síðasta færsla | Næsta færsla »

Athugasemdir

1 identicon

Alla mín þú verður bara að fara í ræktina með hinum kjánunum

Heddý

Herdís (IP-tala skráð) 26.8.2008 kl. 13:43

2 identicon

Kannast við svona áform. Einu sinni fór ég á átaksnámskeið sem var akkúrat í kringum páskana með tilheyrandi fermingaveislum og páskaeggjum. Komst ekki í neina leikfimitíma en gat mætt í allar fermingaveislur

Lísa Margrét Kristjánsdóttir (IP-tala skráð) 28.8.2008 kl. 19:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband