George og Ringo syngja fyrir nútímann

Um daginn kom út platan "Love" með endurhljóðblönduðum og mixuðum lögum Bítlanna. Ég hef ekki heyrt hana alla en tek eftir að þau lög, sem einkum heyrast í útvarpi, eru "Octopussy's Garden" sem Ringo syngur og "While my Guitar Gently Weeps" sem George syngur. Þeir voru alltaf einhvern veginn Bítlarnir sem féllu í skuggan af John og Paul. Ekki skrifaðir sem lagahöfundar að mörgum lögum og sungu fá lög. Gaman að heyra þá syngja fyrir nútímann! Lagið sem George syngur finnst mér frábært, bæði lagið og textinn, en hitt er svona meira eins og það hafi verið samið í einhverju vitundarvíkkandi ástandi. Nema ég hafi ekki lesið nógu djúpt í textann.

Athugasemdir

[Pétur Þorleifsson , 17.3.2007 kl. 00:16]

Það var sögð saga um lag Ringós í þættinum Krossgötur á Rás 1, sem ég man líklega ekki alveg rétt, ég man samt að ég var í strætó vestur á Seltjarnarnesi þegar ég heyrði þetta í útvarpinu.  Ringó var staddur einhverri Miðjarðarhafseyju og þar var maður sem reyndi að selja honum kolkrabba að éta.  Ringo vildi ekki kaupa því honum fannst kolkrabbinn ljótur.  Seinna um kvöldið sögðu veiðimennirnir á þorpskránni frá því hvernig kolkrabbarnir búa til glitrandi fallega garða á sjávarbotninum. Þetta heillaði Ringó. Þátturinn í útvarpinu þarna í janúar gekk út á það að spyrja af hverju svona fáir færu í sjávarlíffræði á Íslandi, af hverju íslendingar almennt væru ekki forvitnari um og heillaðri af lífinu í sjónum.