Nýjársgangan ómissandi

Það fyrsta sem ég geri á nýjársdegi ár hvert er að fara í nýjársgöngu. Mér finnst það algerlega ómissandi, alveg sama hvenær ég vakna eða hvernig veðrið er. En það er nú bara þannig, að mér finnst alltaf vera stilla, sól og frekar kalt á nýjársdegi, sem sagt ekta flott vetrarveður. Það er líka einhver von í lofti á þessum degi, fólk heilsar manni á förnum vegi og býður gleðilegt ár og það er eins og dagurinn gefi vissu um nýtt upphaf. Hefðina hjá mér má rekja má til þess að mér þótti nauðsynlegt að fara út með hundana í góðan göngutúr eftir stressið á þeim á gamlárskvöldi. Ég ætla að drífa mig út, sjáumst á Ægisíðunni. Gleðilegt ár!

Athugasemdir

[Gunnar Helgi Eysteinsson, 1.1.2007 kl. 15:34]

Gleðilegt ár

[Villi Asgeirsson, 1.1.2007 kl. 21:34]

Ég öfunda þig að geta rölt Ægissíðuna. Ætli það sé ekki besti staðurinn fyrir nýársgöngu?

Gleðilegt ár! 

[Fararstjórinn, 2.1.2007 kl. 12:06]

Jú, Ægissíðan er besti staðurinn! Vetrarsólin í fullum skrúða, brennan að kulna og allir þunnir og skemmtilegir að hífa sig upp eftir hátíðirnar!