Æðislegt veður, yndislegur mánuður!

Gleðilegan febrúar gott fólk! Útsýnið úr glugganum á nýju skrifstofunni minni er slíkt, að þar blasir við Esjan og Skarðsheiðin, og þvílík fegurð að horfa yfir í svona brakandi kulda og snjó! Ég læt mér þó ekki nægja að horfa út um gluggann, því ég dreif mig uppí hesthús til gegninga í gær og mokaði allt húsið ein - 30 hesta hús. Mjög hressandi og gefur manni beina jarðtengingu, slökun og vellíðan. Holdhnjóskarnir farnir að losna og skeifurnar komnar undir klárana. Svo er kominn febrúar, pælið í því hvað það er geggjað! Öll afmælin í fjölskyldu- og vinahópi framundan, mitt sjálfrar í enda mánaðarins og það gerir ekkert annað en birta til. Er einhver ástæða til að vera annað en glimrandi bjartsýnn?

Athugasemdir

[Gunnar Helgi Eysteinsson, 1.2.2008 kl. 22:06]

Ég bara elska þetta útsýni...

[Lísa Margrét Kristjánsdóttir (IP-tala skráð) 5.2.2008 kl. 19:16]

Ég bara fylltist bjartsýni af að lesa þetta Ætla að drífa mig í skólann á morgun, sama hvernig heilsan verður, hún hlýtur að batna af því einu að komast úr úr húsi.