Ný tíska í auglýsingum?

Í sunnudagsblaði Moggans eru tvær teiknaðar opnuauglýsingar og fleiri stórar auglýsingar sem eru teiknaðar. Þær eru skrautlegar, sniðugar og vekja athygli. Það hlýtur að sparast stórfé við auglýsingagerð sem krefst ekki módela, ljósmyndara, sviðsmyndar, lýsingar, hugmyndavinnu margra o.s.frv. Nógu er samt dýrt að birta opnuauglýsingu í sunnudagsblaðinu. Hér er greinilega komin áhugaverð stefna í auglýsingagerð. Í blaðinu í dag voru þær bara svo margar, að ég þurfti að fletta fram og til baka til að fullvissa mig um að ég hefði ekki gripið Andrésblað í misgripum!

Athugasemdir

[Laulau (IP-tala skráð) 3.6.2007 kl. 23:11]

Ætli þetta séu ekki tvær auglýsingastofur sem eru fyrstar með nýjungina.... svo koma allar hinar síðar
Skenntlegt sonna.

Ansi er ég hrædd um það að hugmyndavinnan á bak við svona auglýsingar sé eitthvað ,,ódýrari"

[Marta B Helgadóttir, 4.6.2007 kl. 12:09]

Önnur ný tíska í auglýsingum sem mér finnst ekki geðfelld er t.d. nýja auglýsingaherferð vildarklúbbs Flugleiða. Þeir sem eiga að tákna starfsmenn vildarklúbbsins standa beinlínis og öskra til viðskiptavinanna burséð frá því hvort "vesalings" viðskiptavinurinn er að gifta sig eða hvað annað hann hefur fyrir stafni. Yfirgangssöm, smekklaus og fráhrindandi nálgun.